З 1 па 7 чэрвеня 2010 г. протаігумен Львоўскай правінцыі КНА а. Васіль Іваніў правёў візітацыю манастыра рэдэмптарыстаў ў Бярдзянску Запарожскай вобл. У рамках візітацыі айцец-протаігумен 3 чэрвеня наведаў парафіі ў г. Марыупаль Данецкай вобласці, а таксама ў вёсцы Снегурыўка, якія арганізоўвае а. Іван Сыкала, CSsR.
З 28 па 30 мая 2010 г. у г. Кіраваградзе на запрашэнне параха а. Івана Трацяка адбыліся рэкалекцыі. Іх праводзілі протаігумен Львоўскай правінцыі КНА а. Васіль Іваніў, а. Ігар Паўлій, CSsR, а таксама браты Дзмітрый Кіт, Юрый Сас і Раман Халус.
З 2 па 9 мая 2010 г. у г. Явараве Львоўскай вобл. на парафіі Пакрову
Найсвятой Багародзіцы адбылася Святая Місія, якую правялі рэдэмптарысты а. Віталь Назар і а. Раман Жыравецкі і
сёстры рэдэмптарысткі
Івана Дзмітрыў, Тэрэза Вадзяная і Вера Казак. Гэтая падзея адбылася дзякуючы
запрашэнню мясцовага параха а. Уладзіміра Шыдлоўскага.
4траўня 2010
г. у манастыры св. Альфонса ў Львове адбылася братэрска-фармацыйная
сустрэча Кангрэгацыі Найсвяцейшага Адкупіцеля, удзел у якой прынялі субраты з
розных манастыроў. На ёй былі разгледжаны розныя
пытанні па біяэтыцы. Выкладанне праводзіў дэкан
філасофска-багаслоўскага факультэту Украінскага Каталіцкага Універсітэту а. д-р Ігар Бойка.
З 18 да 25 красавіка 2010 г. у в. Лавачная Сколеўскага р-ну Львоўскай вобл. на парафіі Нараджэння Найсвяцейшай Багародзіцы праходзіла парафіяльная місія. На запрашэнне а. Алега, параха гэтай вёскі, на місію прыбылі айцы і браты рэдэмптарысты і сёстры Кангрэгацыі св. Язэпа. Місія пачалася ў нядзелю ўвечары малебнам да Багародзіцы, пасля якога была прамоўлена ўступная місіянерская навука.
25 красавіка 2010 супольнасць сясцёр рэдэмптарыстак святкавала пострыг і аблачэнне трох сваіх кандыдатак: Наталлі Залескай, Зараны Шаляпіла і Мар'яны Яртым. Разам з сёстрамі, якія падчас пострыгу прынялі новыя імёны: с. Наталля, с. Антонія і с. Тадэя, мы радуемся гэтаму палымянаму сведчанню веры і даверы Богу, Які з вялікай любоўю паклікаў іх на дарогу богапасвячанага жыцця.
У
сакавіку гэтага
года настаяцель рэдэмптарысцкай місіі ў Пракоп'еўску (Сібір) а. Дзмітрый Навасад, CSsR
вярнуўся ў Львоў, каб там працягнуць сваё лячэнне. На працягу двух апошніх
месяцаў функцыі настаяцеля выконваў а. Руслан Піх CSsR , а 17
красавіка 2010 года ў Пракоп'еўск прыбылі новыя святары: а. Віталь Аляшчук, CSsR як
настаяцель місіі і парафіяльнай грамады і а. Багдан Гелета, CSsR.
15 красавіка 2010 г. львоўскі арцыбіскуп Ігар Возняк, CSsRасвяціў крыж для царквы манастыра блаславёнага Зянона Кавалыка, CSsR. Пасвячэнне адбылося ў будынку манастыра, які будуецца ў Львове на вул. Хутароўцы, дзе размесціцца студэнцкі дом Львоўскай Правінцыі Кангрэгацыі рэдэмптарыстаў.