З 2 па 9 мая 2010 г. у г. Явараве Львоўскай вобл. на парафіі Пакрову Найсвятой Багародзіцы адбылася Святая Місія, якую правялі рэдэмптарысты а. Віталь Назар і а. Раман Жыравецкі і сёстры рэдэмптарысткі Івана Дзмітрыў, Тэрэза Вадзяная і Вера Казак. Гэтая падзея адбылася дзякуючы запрашэнню мясцовага параха а. Уладзіміра Шыдлоўскага.

На працягу тыдня місіянеры неслі Добрую Навіну пра Хрыста Збавіцеля ва ўсе сэрцы, дамы і ўстановы, якія знаходзяцца на тэрыторыі парафіі. У вайсковай частцы адбыліся сустрэчы з салдатамі, якія праходзяць тэрміновую службу, і з афіцэрскім складам. У школе і дзіцячым садку місіянеры сустрэліся з педагагічнымі калектывамі і правялі заняткі для ўсіх выхаванцаў. У афіцэрскім інтэрнаце адбылася сустрэча з дзяржаўнымі службоўцамі і работнікамі розных устаноў горада.

Акрамя таго, кожны дзень раніцай і ўвечары мы збіраліся ў храме на сумесныя набажэнствы і місійныя навукі. Адбыўся Крыжовы Шлях вуліцамі горада і паход на могілкі, адбыліся аднаўленне абяцанняў Сакрамантаў Хрышчэння і Шлюбу, малітва за ўраджай, бласлаўленне нованароджаных, малітоўны чын на аздараўленне, станавыя навукі для хлопцаў, дзяўчат, мужчын і жанчын.

На вячэрніх сустрэчах моладзі мы разам разважалі над сэнсам чалавечага жыцця і яго фундаментальнымі каштоўнасцямі.

Традыцыйна Святая Місія завяршылася асвячэннем і устаноўкай памятнага Місійнага Крыжа.