Кангрэгацыя Найсвяцейшага Адкупіцеля
Навіны
Меню сайта

Катэгорыі каталога
Навіны [75]
Навіны Львоўскай правінцыі Кангрэгацыі Найсвятога Адкупіцеля
Відэа [21]
Парафія МБНД [7]
Навіны парафіі Маці Божай Нястомнай Дапамогі ў Менску.
Анонс [0]
Пропаведзі [7]
БГКЦ [1]
Навіны Беларускай Грэка-Каталіцкай Царквы
Сусветная Царква [1]
Навіны Каталіцкай Царквы ў свеце.

Форма уваходу

Пошук

Сябры сайта



Онлайн усяго: 1
Гасцей: 1
Карыстальнікаў: 0
Вітаем Вас, Гость · RSS 26.09.2017, 11:15

Галоўная » Артыкулы » Парафія МБНД

Хрыстос нараджаецца!
25 снежня хрысціянскі свет святкуе свята Нараджэння Хрыстовага. У гэты дзень з храмаў усяго свету ліюцца ўдзячныя малітвы і песні, якія ўзвялічваюць народжанага Збаўцу. Сярод гэтай плыні да неба пралуналі таксама і шчырыя маленні вернікаў парафіі Маці Божай Нястомнай Дапамогі ў Менску.

Напярэдадні свята, 24 снежня, парафіяне сабраліся ў сваёй капліцы на Вячэрню з Літургіяй св. Базыля Вялікага, пасля чаго Святы вечар прадоўжыўся ў парафіяльным доме поснай вячэрай. Айцы дзяліліся з вернікамі прасфорай з мёдам, а парафіяльны хор "Прасфара” ствараў святковую атмасферу калядным спевам.

У сам дзень Раства парафія сустракала гасцей. Святую Літургію ачоліў архімандрыт Сяргей Гаек, Апостальскі візітатар для грэка-каталікоў Беларусі. Разам з ім саслужылі госці з Украіны: айцы-рэдэмптарысты, якія прыехалі прывітаць сваіх беларускіх субратоў, што цяпер служаць тут на парафіі. У сваім слове пачэсны архімандрыт Сяргей адзначыў, што ў Беларусі аднаўляецца служэнне рэдэмптарыстаў, паколькі ў 1930-х гг. Апостальскім візітатарам на беларускіх землях быў блаславёны святамучанік Мікалай Чарнецкі, рэдэмптарыст.

Пасля Святой Літургіі ў капліцы пачалася калядная казка для дзяцей. Спачатку да маленькіх завітала самотная Спадарыня Ведзьма, якая, жывучы адна ў лесе, зусім забылася, што такое Раство. Яе сябры – лясныя звяркі – не змаглі растлумачыць і нагадаць ёй, што гэта за свята. Таму гэта прыйшлося зрабіць Гасподняму Анёлачку, які ледзьве знайшоў яе хаціну ў завіруху. Пасля казкі моладзь запытала дзетак, што яны ведаюць пра Нараджэнне Хрыстовае. А за добрыя веды ўсе маленькія вернікі атрымалі падарункі.


Катэгорыя: Парафія МБНД | Дадаў: zmicier (28.12.2012)
Праглядаў: 289 | Рэйтынг: 5.0/1 |
Разам каментароў: 0
Имя *:
Email *:
Код *:
Конструктор сайтов - uCoz