З 26 па 28 лютага 2010 г. у в. Шчуравічы Радэхаўскага р-ну Львоўскай вобл. адбываліся духоўныя практыкаванні - рэкалекцыі, якія падрыхтоўвалі вернікаў да велікодных святаў. Тэмай
рэкалекцый былі словы Ісуса Хрыста: "Хто хоча ісці за Мною, няхай
адрачэцца ад сябе самога, возьме на сябе крыж свой і ідзе за мной»
(Мк. 8, 34). Духоўныя навукі праводзіў а. Уладзімір Груца, КНА. Асаблівасцю
рэкалекцый была прысутнасць мошчаў блаславёнага святамучаніка Мікалая Чарнецкага,
якія вернікі сустрэлі ў царкве ў пятніцу раніцай, пасля чаго адбылася
Літургія Перадасвячаных дароў.
У абедзенны час святар-рэкалектант у суправаджэнні настаяцеля а. Рамана
Сапужака наведаў мясцовую школу, дзе сустрэўся з дзецьмі малодшых і
старэйшых класаў, а таксама з педагагічным калектывам. Такім чынам, дзеці атрымалі асабістае запрашэнне прыняць удзел у рэкалекцыях. У пятніцу ўвечары і ў суботу раніцай адбыліся чарговыя літургічныя набажэнствы з навукай. Падчас пропаведзяў святар вёў жывы дыялог з вернымі.
Асаблівым
перажываннем быў Малебны Чын на аздараўленне да блаславёнага Мікалая
Чарнецкага з памазаннем алеем, адпраўлены ў суботу вечарам. З
вялікім хваляваннем і верай у сэрцы вернікі ўдзельнічалі ў гэтым
набажэнстве, глыбока услухоўваючыся ў Божае Слова, якое прапаведаваў айцец-рэкалектант.
Ўрачыстае завяршэнне рэкалекцый адбылося ў нядзелю на Святой Літургіі, на якой прысутнічалі таксама людзі з навакольных вёсак. Варта
адзначыць, што вельмі шмат верных прыступілі да Святых Тайн і ўважліва
слухалі навукі айца рєкалектанта, асабліва дзеці, якія здалі
«экзамен» на выдатна.
Няхай
Госпад суправаджае ўсіх нас на нашым жыццёвым шляху, каб мы ў канцы
зямнога жыцця маглі паспяхова вытрымаць экзамен і ўдастоіліся
«канікулаў» ў выглядзе вечнай радасці. А за апекуна ў гэтай дарозе выбіраем блаславёнага Мікалая Чарнецкага.
З
