Як звычайна, на свята Перамянення, 19 жніўня браты-рэдэмптарысты складаюць свае зарокі, а
кандыдаты ў Кангрэгацыю пачынаюць навіцыят. У гэтым годзе гэты дзень
стаў чарговым крокам у пакліканні для 28 чалавек. Аблечыны, першыя, вечныя
зарокі і аднаўленне часовых зарокаў адбыліся разам у Кохавіне, у
манастыры св. Герарда, у якім
знаходзіцца навіцыят Львоўскай правінцыі КНА.
Вечныя зарокі склалі
браты Багдан Хаванец, Сцяпан Андрусышын, Юрый Сывык і Яраслаў
Тарнаўскі. Пяцёра кандыдатаў прынялі
аблечыны і пачалі навіцыят, двое новікаў завяршылі першы год навіцыяту і
працягнуць яго на працягу яшчэ аднаго года ў Львове. Браты Раман Халус,
Дзмітрый Кіт і Юрый Сас склалі першыя зарокі, а астатнія браты аднавілі свае часовыя зарокі яшчэ на адзін год.
Чын аблечынаў і складання зарокаў адбыўся падчас Святой Літургіі, якую ўзначальваў протаігумен Львоўскай правінцыі Кангрэгацыі рэдэмптарыстаў а. Васіль Іваніў. Каб падтрымаць братоў, у
Кохавіну прыехалі таксама айцы і браты з іншых манастыроў КНА, а
таксама сёстры, моладзь з нашых парафій і родныя.