1 верасня 2010 г. Архіярэйскай Святой Літургіяй пачаўся новы акадэмічны год у Львоўскай духоўнай семінарыі Святога Духа. Чатыры браты-рэдэмптарысты пачынаюць сваё навучанне на 1 курсе семінарыі, а яшчэ 15 братоў працягваюць навучанне на іншых курсах.
Святую Літургію ўзначаліў Львоўскі арцыбіскуп уладыка Ігар Возняк, CSsR. У вітальным слове да айцоў і семінарыстаў з нагоды новага навучальнага года дастойны ўладыка заклікаў усіх падыходзіць з адказнасцю да выканання сваіх абавязкаў на тым месцы, на якім ён пастаўлены Богам і памятаць, што Госпад пільна сочыць за нашым стаўленнем да тых ці іншых даручэнняў. У заключэнне ўладыка Ігар удзяліў архіярэйскае блаславенне і пажадаў выкладчыкам, выхавацелям і семінарыстам мудрасці, духоўнага росту і фізічнага здароўя.
|