З блаславення ўладыкі Тараса Сеньківа, біскупа Стрыйскага, 18-25 ліпеня 2010 г. у горадзе Гарадку Львоўскай вобл. на парафіі Дабравешчання Найсвятой Багародзіцы з нагоды 500-годдзя храма адбылася парафіяльная місія. Місію правялі айцы рэдэмптарысты а.Віталь Назар, а. Уладзімір Сабат і сёстры базылянкі с. Севасціяна Зінькевіч і с. Ерамія Сцебліна.
На працягу цэлага тыдня місіянеры з Божым Словам наведвалі розныя ўстановы горада: раённую адміністрацыю, мэрыю, міліцыю, садок, школу-інтэрнат, шпіталь, швейную фабрыку. Незабыўнае ўражанне на місіянераў аказалі сустрэчы з настаўнікамі розных школ, лекарамі, выхавальнікамі, моладдзю і дзецьмі розных узростаў. На працягу тыдня да святой таямніцы Пакаяння прыступіла, па падліку а. Стэфана, параха храма, каля дзвюх тысяч вернікаў.
З задавальненнем сёстры прапаведавалі станавыя навукі для дзяўчат і жанчын, працавалі з дзецьмі і моладдзю. А айцы ўдзялялі Святых Тайн і прагалошвалі місіянерскія навукі.
У пятніцу ўсе мелі магчымасць памаліцца ля мошчаў бл. Пятра Вергуна, якія былі выстаўленныя ў храме, а ў суботу на мясцовых могілках маліліся за памерлых вернікаў.
Святая Місія скончылася Архіярэйскай Святой Літургіяй з нагоды 500-годдзя храма, якую ўзначаліў уладыка Тарас.
З