Упятніцу, 25 верасня 2009 г., у манастыры св. Альфонса ў Львове адбыўся штомесячны дзень духоўнага абнаўлення для братоў-студэнтаў КНА. Праводзіў яго ўладыка Міхайла Віўчар, CSsR.
У самым пачатку ўладыка адзначыў, што будзе гаварыць з досведу ўласнага жыцця, і ў першай навуцы параўнаў сучаснасць з часам свайго дзяцінства - свет змяніўся, што можна пабачыць на простым прыкладзе: калі раней былі малыя хаты і вялікія сем'і, то ў сучасны момант - вялікія хаты і малыя сем'і. У свеце пануе дух матэрыялізму. Таму нам варта ўважліва пільнаваць, каб выбіраць тое, што добра, а не то, што вабіць. На працягу дня ўладыка часта заклікаў братоў: "Гатуйцеся, таму што барацьба шалёная!"
Другая навука была прысвечаная Нагорнай пропаведзі Ісуса Хрыста з асаблівым засяроджваннем на блаславенствах. Гэтая пропаведзь - гэта план, які нам трэба ажыццяўляць у жыццё. Для гэтага мы павінны ўжываць Божыя дары, якія кожны атрымлівае ад Госпада, - не больш, не менш, а гэтулькі, колькі яму трэба. Важным таксама ёсць пост, які гартуе сілу волі: калі мы можам сказаць "не" рэчам дазволеным, то зможам сказаць "не" і рэчам недазволеным.
Напрыканцы дня духоўнага абнаўлення адбылася агульная сустрэча, на якой ул. Міхайла адказаў на пытанні братоў-студэнтаў.
